Si te investoni? Si te investoni?

Për të investuar në Fond ju mund të vizitoni çdo degë të Raiffeisen Bank, ku mund të merrni informacion të detajuar për fondin dhe të pajiseni me dokumentacionin përkatës të fondit.

Pasi të jeni informuar mbi Fondin dhe të keni marr vendimin për të investuar, do të plotësoni dhe firmosni një kërkesë për blerje të kuotave të fondit.

Për të monitoruar ecurinë e investimit tuaj, mund te bëni kërkesë për tu pajisur me username dhe PIN për tu log-uar në faqen e internetit të Raiffeisen Invest : www.raiffeisen-invest.al.

Njoftim i rëndësishëm Njoftim i rëndësishëm

Njoftim për shtyp

"Raiffeisen Miks" fondi më i ri i investimit në Euro nga Raiffeisen Invest

  • Raiffeisen Invest ofron tashmë katër fonde Investimi
  • Raiffeisen Prestigj dhe Vizion, fonde investimi në Lekë
  • Raiffeisen Miks dhe Raiffeisen Euro, fonde investimi në Euro

Pas suksesit të tre fondeve të mëparshme, dy prej të cilave në Lekë dhe një në Euro, Raiffeisen "Miks" është fondi më i ri i investimit në Euro i ofruar nga Raiffeisen Invest për investitorin shqiptar.

Fondi Raiffeisen Miks është i pari me një natyrë të balancuar të portofolit të investimit, i cili do të përfshijë 3 kategori asetesh: tituj borxhi (obligacione), aksione dhe instrumente të tregut të parasë.

Qëllimi i investimit të Fondit është krijimi i të ardhurave të rregullta dhe një rritje e moderuar e kapitalit në një periudhë afatmesme. Fondi është dizenjuar për atë kategori investitorësh, të cilët kanë nevoja të ulëta likuiditeti dhe një horizont investimi të paktën 5 vjeçar, si dhe janë të gatshëm të marrin përsipër risqet e listuara në prospektin e fondit kundrejt potencialit të një kthimi të kënaqshëm nga investimi.

Të gjithë investitorët e interesuar për një portofol të diversifikuar, mund të drejtohen pranë degëve të Raiffeisen Bank për të investuar në fondin e ri, duke filluar nga data 16 Nëntor. Shuma minimale e investimit fillestar në Fond është 500 Euro dhe nuk aplikohet tarifë në hyrje apo dalje nga fondi.

"Krijimi i fondit Raiffeisen Miks është provë e angazhimit të padiskutueshëm të Raiffeisen Invest në tregun financiar jo-bankar shqiptar dhe besimit që ne kemi në përmirësimin dhe zhvillimin e këtij tregu. Për herë të parë Raiffeisen Invest po i prezanton publikut shqiptar një fond i cili krijon mundësinë e diversifikimit të aseteve midis obligacioneve dhe aksioneve me një nivel të moderuar/mesatar të riskut. Me fondin Raiffeisen Miks synohet që investitorët të marrin më të mirën e kombinimit të këtyre dy tregjeve përgjatë gjithë ciklit ekonomik. Ne u rekomandojmë investitorëve një horizont të gjatë investimi për të përfituar maksimalisht nga politika e investimit afatgjate që ndjekin menaxherët e portofolit si dhe për të minimizuar ndikimet nga luhatjet afatshkurtra të tregjeve në momente të caktuara. Kështu, ne zgjerojmë gamën e produkteve të investimit Raiffeisen si dhe tregut në tërësi dhe jemi në linjë me misionin tonë për t'u ofruar klientëve një diapazon më të gjerë alternativash investimi si dhe një shërbim të shkëlqyer" tha Edlira Konini, Administratore e Përgjithshme e Raiffeisen Invest. 

* * * * *

Fondi Raiffeisen Miks u licensua nga Autoriteti i Mbikëqyrjes Financiare me vendimin nr. 153, datë 23 Tetor 2020. Ky është një sipërmarrje investimesh kolektive me ofertë publike, e veçantë dhe me pjesëmarrje të hapur, i krijuar nga Raiffeisen Invest. Ky fond është me kohëzgjatje të papërcaktuar. Fond i hapur publik, i cili do të ofrohet/shpërndahet nëpërmjet rrjetit të degëve të Raiffeisen Bank duke filluar nga data 16 Nentor 2020.

Raiffeisen Bank sh.a zotëron 100% të aksioneve të Raiffeisen INVEST sh.a, e cila do të vazhdojë të menaxhojë Fondin e Pensionit Vullnetar Raiffeisen, krahas Fondi Raiffeisen Vizion, Fondit Raiffeisen Prestigj dhe Fondit Raiffeisen Invest Euro.

Rreth Raiffeisen Invest

Raiffeisen Invest sh.a (RIAL) eshte shoqëri e licensuar nga Autoriteti i Mbikëqyrjes Financiare (AMF) për Administrimin e Fondeve të Investimit dhe Fondeve të Pensionit Vullnetar.

Raiffeisen Invest sh.a është shoqëria që hodhi bazat e tregut të fondeve të investimit në Shqipëri dhe sot është udhëheqëse në këtë treg me më shumë se 518 milion euro asete nën administrim. Pas suksesit të Fondit Prestigj, Vizion dhe fondit Raiffeisen Invest Euro, Raiffeisen Invest i ofron investitorit shqiptar edhe një mundësi tjetër investimi në euro, me qëllim diversifikimin e portofolit financiar nëpërmjet investimeve në kategori të ndryshme asetesh.

----------------------------------------------------------------------------

Njoftim

Te nderuar investitore,

Per shkak te situates se Coronavirus-it ne Shqiperi dhe ne zbatim te masave te ndermarra nga Qeveria Shqiptare per kufizimin e levizjeve, Raiffeisen Invest po siguron vazhdimesine e aktivitetit me staf te reduktuar.

Ne keto kushte lutemi qe per cdo informacion apo shqetesim te shkruani ne adresen Invest@raiffeisen.al

Te angazhuar per t'ju pergjigjur sa me shpejt kerkesave apo paqartesive tuaja, shpresojme ne nje tejkalim sa me te shpejte te kesaj situate dhe ju urojme shendet te mire!

Ekipi i Raiffeisen Invest

News News

Back

Fondi Raiffeisen Vizion

 

Fondi i Investimit Raiffeisen VIZION është një sipërmarrje investimesh kolektive (SIK) me ofertë te hapur publike, i krijuar për një afat të pacaktuar, i licensuar në Republikën e Shqipërisë nga Autoriteti i Mbikëqyrjes Financiare dhe themeluar e menaxhuar nga Raiffeisen Invest sh.a.

 

- Mundësi diversifikimi të portofolit tuaj nëpërmjet një alternative investimi afatgjatë
- Mundësi për të përfituar kthim të kënaqshëm duke rritur vlerën e aseteve te investuara
- Fleksibilitet:

  • mund të shtoni shumën e investuar në çdo kohë
  • Raiffeisen Invest ju shlyen brenda 7 ditëve nga data e kërkesës për tërheqje nga Fondi

- Menaxhimin profesional të aseteve tuaja e kryen stafi i kualifikuar i Raiffeisen Invest
- Transparencë: Akses në llogarinë tuaj on-line dhe monitorim i investimit tuaj në çdo kohë
- Raiffeisen Invest sh. a është pjesë e grupit Raiffeisen.

Objektiv i fondit

Objektivi i investimit i Fondit Raiffeisen Vizion është të maksimizojë kthimin total afatmesëm për investitorin, duke synuar të ruajë kapitalin e investitorit dhe të sigurojë likuiditet të mjaftueshëm.

Politika e investimit

Fondi synon të ketë një portofol investimesh të përqëndruar kryesisht në tituj borxhi të emetuara ose garantuara nga Qeveria e Republikës së Shqipërisë. Asetet e fondit investohen në instrumentat e mëposhtëm:

  • Deri në 100% të aseteve të fondit në tituj borxhi qeveritarë të emetuar ose garantuar nga Qeveria e Republikës së Shqipërisë;
  • Deri në 10% të aseteve të fondit në fonde investimi me fokus në tituj borxhi të denominuar në monedhën vendase;
  • Deri në 10% të aseteve të fondit në tituj borxhi të emetuar nga organet e qeverisjes vendore dhe nga shoqëri tregtare vendase, që tregtohen në tregje të rregulluara ose në një bursë titujsh në Republikën e Shqipërisë;
  • Deri në 20% të aseteve të fondit në ekuivalentë cash-i, transaksione të anasjellta të riblerjes dhe depozita bankare me maturitet deri në 12 muaj.
Fondi përcakton natyrën e investimeve të aseteve në përputhje me kuadrin ligjor në fuqi.
Për të maksimizuar kthimin total nga investimi, Fondi synon të investojë 50 – 80% të aseteve ne obligacione afatgjatë te Qeverisë shqiptare.

 

Profili i parashikuar i rrezikut të fondit Raiffeisen Vizion i përket kategorisë së tretë. Ky nivel i treguesit është rezultat i aplikimit të politikës së investimit të fondit me të dhënat historike të normave të interesit për 5 vitet e fundit.

Treguesi i rrezikut dhe përfitimit korrespondon me një numër të plotë i cili përdoret për të renditur fondin në një nivel rreziku nga 1 në 7, sipas nivelit të rritjes të luhatshmërisë.

Luhatja e normave të interesit të instrumenteve financiare në të cilat fondi investon është faktori kryesor i cili ndikon në performancën e fondit. Raiffeisen Vizion paraqet nje nivel rreziku mesatar.

Data e lancimit të fondit :  20 Gusht 2018

Periudha e Ofertës Fillestare

Periudha e ofertës fillestare fillon më 20 Gusht 2018 dhe përfundon më 03 Shtator 2018. Gjatë kësaj periudhe çmimi i kuotës mbetet i pandryshuar (1,000 lekë) dhe asetet e akumuluara mund të mbahen vetëm si depozitë.

Banka depozitare :  Banka Depozitare është Banka e Parë e Investimeve, Shqipëri

Minimumi i shumës së investuar

Kuotat e fondit janë të emetuara në lekë. Shuma minimale për të investuar është 30,000 lekë. Në vijim mund të shtohet investimi me jo më pak se 10,000 lekë.Vlera minimale e mbajtur në Fond është 10,000 lekë. Nën këtë vlerë, llogaria e investitorit në fond mund të mbyllet nëpërmjet shlyerjes totale të kuotave.

Periudha e rekomanduar e investimit

Minimumi i rekomanduar për horizontin e investimit është të paktën 3 vjet, në mënyrë që investitori të përfitojë rezultatet pozitive të strategjisë së investimit, e cila është një strategji investimi afatmesme.

Periudha minimale e qëndrimit në Fond

Minimumi i qëndrimit në Fond është 2 vjet. Nëse investimi shlyhet përpara përfundimit të këtij afati kohor, shlyerjes do t'i aplikohet një tarifë dalëse.

Tarifë dalëse:  2.00% e Vlerës së kuotave të shitura

Tarifa dalëse aplikohet vetëm nëse nuk plotesohet kushti i periudhës minimale të qëndrimit në fond për 2 vjet.

Të ardhurat nga kjo tarifë qëndrojnë në fond dhe do të shpërndahen si të ardhura për anëtarët e mbetur të fondit në përpjesëtim me shumën që ata kanë investuar në fond.

Tarifë vjetore (Tarifa e Administrimit):  1.25% në vit e Vlerës Neto të Aseteve