Si te investoni? Si te investoni?

Për të investuar në Fond ju mund të vizitoni çdo degë të Raiffeisen Bank, ku mund të merrni informacion të detajuar për fondin dhe të pajiseni me dokumentacionin përkatës të fondit.

Pasi të jeni informuar mbi Fondin dhe të keni marr vendimin për të investuar, do të plotësoni dhe firmosni një kërkesë për blerje të kuotave të fondit.

Për të monitoruar ecurinë e investimit tuaj, mund te bëni kërkesë për tu pajisur me username dhe PIN për tu log-uar në faqen e internetit të Raiffeisen Invest : www.raiffeisen-invest.al.

Njoftim i rëndësishëm Njoftim i rëndësishëm

Te nderuar Investitore

Te dhenat per Fondin Raiffeisen Mix per daten 21 / Janar / 2021 jane si me poshte:

Net Asset Value: 1,237,140.49 EUR

Cmimi i kuotes: 100.0867 EUR

----------------------------------------------------------------------------

Te dashur Investitore

Me kenaqesi ju informojme se per here te pare ne fushen e tregut te fondeve te investimit/pensionit, Raiffeisen Invest u mundesoi  te gjithe klienteve ekzistues te saj, te kryejne investime ne fonde, nepermjet Raiffeisen ON.

Kjo mundesi investimi nepermjet platformes Raiffeisen ON, synon ti ofroje klienteve lirine per te blere kuota ne cdo kohe, duke qene ne shtepi, zyre apo kudo tjeter pa qene e nevojshme te paraqiten ne deget e bankes.

Duke investuar ne fonde e investimit online ju jo vetem lehtesoni perditshmerine tuaj por keni me shume kohe dhe hapesire per te marre vendimet e duhura rreth investimit tuaj. 

Investoni me dy hapa:

  • Hyr ne Raiffeisen ON – Kliko Pagesa – Dergo Para – Kerko perfituesin (do shfaqen automatikisht vetem fondet qe ju dispononi: Raiffeisen Pension, Raiffeisen Prestigj, Raiffeisen Vizion, Raiffeisen Invest Euro)   
  • Ploteso shumen e deshiruar per te investuar.

 

Ju ftojme te rrisni investimet tuaja, duke perdorur Raiffeisen ON!

Beni kujdes per veten dhe qendroni te shendetshem,

Ekipi Raiffeisen Invest

----------------------------------------------------------------------------

Njoftim për shtyp

"Raiffeisen Miks" fondi më i ri i investimit në Euro nga Raiffeisen Invest

  • Raiffeisen Invest ofron tashmë katër fonde Investimi
  • Raiffeisen Prestigj dhe Vizion, fonde investimi në Lekë
  • Raiffeisen Miks dhe Raiffeisen Euro, fonde investimi në Euro

Pas suksesit të tre fondeve të mëparshme, dy prej të cilave në Lekë dhe një në Euro, Raiffeisen "Miks" është fondi më i ri i investimit në Euro i ofruar nga Raiffeisen Invest për investitorin shqiptar.

Fondi Raiffeisen Miks është i pari me një natyrë të balancuar të portofolit të investimit, i cili do të përfshijë 3 kategori asetesh: tituj borxhi (obligacione), aksione dhe instrumente të tregut të parasë.

Qëllimi i investimit të Fondit është krijimi i të ardhurave të rregullta dhe një rritje e moderuar e kapitalit në një periudhë afatmesme. Fondi është dizenjuar për atë kategori investitorësh, të cilët kanë nevoja të ulëta likuiditeti dhe një horizont investimi të paktën 5 vjeçar, si dhe janë të gatshëm të marrin përsipër risqet e listuara në prospektin e fondit kundrejt potencialit të një kthimi të kënaqshëm nga investimi.

Të gjithë investitorët e interesuar për një portofol të diversifikuar, mund të drejtohen pranë degëve të Raiffeisen Bank për të investuar në fondin e ri, duke filluar nga data 16 Nëntor. Shuma minimale e investimit fillestar në Fond është 500 Euro dhe nuk aplikohet tarifë në hyrje apo dalje nga fondi.

"Krijimi i fondit Raiffeisen Miks është provë e angazhimit të padiskutueshëm të Raiffeisen Invest në tregun financiar jo-bankar shqiptar dhe besimit që ne kemi në përmirësimin dhe zhvillimin e këtij tregu. Për herë të parë Raiffeisen Invest po i prezanton publikut shqiptar një fond i cili krijon mundësinë e diversifikimit të aseteve midis obligacioneve dhe aksioneve me një nivel të moderuar/mesatar të riskut. Me fondin Raiffeisen Miks synohet që investitorët të marrin më të mirën e kombinimit të këtyre dy tregjeve përgjatë gjithë ciklit ekonomik. Ne u rekomandojmë investitorëve një horizont të gjatë investimi për të përfituar maksimalisht nga politika e investimit afatgjate që ndjekin menaxherët e portofolit si dhe për të minimizuar ndikimet nga luhatjet afatshkurtra të tregjeve në momente të caktuara. Kështu, ne zgjerojmë gamën e produkteve të investimit Raiffeisen si dhe tregut në tërësi dhe jemi në linjë me misionin tonë për t'u ofruar klientëve një diapazon më të gjerë alternativash investimi si dhe një shërbim të shkëlqyer" tha Edlira Konini, Administratore e Përgjithshme e Raiffeisen Invest. 

* * * * *

Fondi Raiffeisen Miks u licensua nga Autoriteti i Mbikëqyrjes Financiare me vendimin nr. 153, datë 23 Tetor 2020. Ky është një sipërmarrje investimesh kolektive me ofertë publike, e veçantë dhe me pjesëmarrje të hapur, i krijuar nga Raiffeisen Invest. Ky fond është me kohëzgjatje të papërcaktuar. Fond i hapur publik, i cili do të ofrohet/shpërndahet nëpërmjet rrjetit të degëve të Raiffeisen Bank duke filluar nga data 16 Nentor 2020.

Raiffeisen Bank sh.a zotëron 100% të aksioneve të Raiffeisen INVEST sh.a, e cila do të vazhdojë të menaxhojë Fondin e Pensionit Vullnetar Raiffeisen, krahas Fondi Raiffeisen Vizion, Fondit Raiffeisen Prestigj dhe Fondit Raiffeisen Invest Euro.

Rreth Raiffeisen Invest

Raiffeisen Invest sh.a (RIAL) eshte shoqëri e licensuar nga Autoriteti i Mbikëqyrjes Financiare (AMF) për Administrimin e Fondeve të Investimit dhe Fondeve të Pensionit Vullnetar.

Raiffeisen Invest sh.a është shoqëria që hodhi bazat e tregut të fondeve të investimit në Shqipëri dhe sot është udhëheqëse në këtë treg me më shumë se 518 milion euro asete nën administrim. Pas suksesit të Fondit Prestigj, Vizion dhe fondit Raiffeisen Invest Euro, Raiffeisen Invest i ofron investitorit shqiptar edhe një mundësi tjetër investimi në euro, me qëllim diversifikimin e portofolit financiar nëpërmjet investimeve në kategori të ndryshme asetesh.

----------------------------------------------------------------------------

Njoftim

11.3.2020

Në vijim të zhvillimeve të fundit në lidhje me koronavirusin COVID-19, dëshirojmë t'ju komunikojmë disa informacione dhe këshilla bazë.

Së pari, theksojmë se të gjithë ne duhet të ruajmë qetësinë dhe mbi të gjitha të respektojmë Rregulla bazë të rekomanduara nga OBSH (Organizata Botërore e Shëndetësisë)

1. Zbatoni rigorozisht rregullat bazë të higjienës

  • Lani duart shpesh me sapun dhe ujë, ose përdorni një dezinfektues për duart me bazë alkooli;
  • Shmangni prekjen e syve, hundës dhe gojës me duar të palara;
  • Kur kolliteni apo teshtini, mbuloni gojën dhe hundën me gropëzën e bërrylit ose shami letre. Hidheni menjëherë shaminë e letrës në koshin e plehrave dhe pastaj lani duart;
  • Mënjanoni kontaktet e ngushta me të tjerë në rast të shfaqjes së simptomave (si p.sh. temperaturë dhe kollë);
  • Pastroni rregullisht dhe dezinfektoni objektet e prekura shpesh;

2. Qëndroni në shtëpi ose izolohuni nëse keni shqetësime ose simptoma gripi.

3. Shmangni frekuntimin e kafeneve dhe restoranteve.

4. Brenda mundësive shmangni transportin publik.

5. Shmangni udhëtimet në vendet e prekura.

6. Konsumoni ushqime të pasura me vitamia C, D, A

Kontaktoni Shërbimin e Urgjencës Kombëtare në numrin 127, nëse keni shenja të tilla si temperatura, tështitje e kollë, vështirësi në frymëmarrje

Raiffeisen Invest në kuadër të masave parandaluese ndaj koronavirus COVID-19, ju fton të përdorni shërbimet dhe platformat dixhitale të bankës Raiffeisen.

News News

Back

Perfundon Konferenca e Autoritetit të Mbikëqyrjes Financiare, “Sistemi i pensioneve vullnetare në Shqipëri - zgjerimi i mbulimit”

Konferenca e Autoritetit të Mbikëqyrjes Financiare, "Sistemi i pensioneve vullnetare në Shqipëri - zgjerimi i mbulimit" përfundoi sot. Në të u diskutua nga ekspertët, mbikëqyrësit, punëdhënësit dhe sektori i pensioneve private, për nevojën e zhvillimit të mëtejshëm të pensioneve vullnetare private në Shqipëri. Konferenca u organizua me mbështetjen e Bankës Botërore, në kuadër të zbatimit të projektit "Mbikëqyrja dhe mbulimi i pensioneve", me fonde të Iniciativës FIRST. Ndër folësit kryesorë ishin Ministri i Mirëqenies Sociale dhe Rinisë, zoti Blendi Klosi, Menaxherja e Zyrës së Bankës Botërore në Shqipëri, zonja Tahseen Sayed, dhe Zëvendësministrja e Financave, zonja Irena Beqiraj.

Në fjalën e saj, zonja Enkeleda Shehi, Drejtore Ekzekutive e Autoritetit të Mbikëqyrjes Financiare (AMF), theksoi rëndësinë e përfundimit të ndryshimeve fiskale në mënyrë që të nxitet kursimi për pensione private. Ajo theksoi rezultatet e anketimit të realizuar në bashkëpunim me INSTAT, i cili identifikoi disa sfida me rëndësi kritike—në veçanti nevojën për të dhënë informacion të thjeshtë, i cili t'i ndihmojë punonjësit dhe punëdhënësit ta kuptojnë përse janë të rëndësishme pensionet vullnetare dhe cilat janë përfitimet reale.

Në fjalën e saj, zonja Tahseen Sayed, Menaxhere e Zyrës së Bankës Botërore në Shqipëri, theksoi se Qeveria e Shqipërisë po zbaton reforma të rëndësishme për pensionet publike. Qeveria po kërkon t'i përmirësojë më tej pensionet me këtë përpjekje të re për zgjerimin e mbulimit të pensioneve private. "Shqipëria ka nevojë të hedhë tani themelet e një sistemi të diversifikuar pensionesh ku rëndësi kritike kanë si pensionet publike ashtu edhe ato private, për të kontribuar në sigurinë financiare për burrat dhe gratë pas daljes në pension," – tha ajo.

Duke folur në konferencë Ministri i Mirëqenies Sociale dhe Rinisë, zoti Blendi Klosi vlerësoi reformën në sistemin e pensioneve shtetërore dhe nxiti gjithëpërfshirjen edhe në skemat vullnetare të pensioneve. Ministri Klosi e vuri theksin tek të rinjtë dhe përfshirja e tyre gjithnjë e më e madhe në skemat e pensioneve.

Shoqëritë tregtare shqiptare që u kanë ofruar punonjësve të tyre pjesëmarrje në skema të pensioneve private vullnetare prezantuan përvojën e tyre dhe procesin e komunikimit që kanë ndërmarrë për të shpjeguar përfitimet që sjellin këto skema. Gjithashtu, tri shoqëritë e administrimit të fondeve të pensioneve që ushtrojnë aktivitet në Shqipëri prezantuan perspektivën e tyre në lidhje me zhvillimin e tregut, avantazhet e fondeve të pensioneve dhe mundësitë për zgjerim. Disa prej ekspertëve rajonalë që merrnin pjesë në konferencë ofruan krahasime me vende dhe përvoja të tjera të mira.

Ekspertët e huaj folën në konferencë për praktikat më të mira në botë. Ata ndanë me pjesëmarrësit edhe përvoja dhe ide se si të zgjerohet më tej tregu i pensioneve vullnetare private dhe si të rritet roli i autoritetit rregullator të këtij tregu në Shqipëri.

Në fjalën e saj mbyllëse, zonja Shehi theksoi se kjo konferencë është fillimi i një procesi të vazhdueshëm për të cilin AMF është e angazhuar ta vijojë si një forum ku të diskutohet për pikëpamjet se si të realizohet një sistem i fuqishëm pensionesh në Shqipëri.

 

  • Për tekstin e fjalës së Drejtores së Përgjithshme Ekzekutive të AMF-së, zonjës Enkeleda SHEHI, ju lutemi, klikoni këtu.
  • Për prezantimin e Drejtorit Ekzekutiv, Raiffeisen Invest - Shoqëria Administruese e Fondit të Pensioneve Private dhe e Sipërmarrjes së Investimeve, Z. Resmi HIBRAJ, ju lutemi, klikoni këtu.
  • Për tekstin e fjalës së Ministrit të Mirëqenies Sociale dhe Rinisë, Z. Blendi KLOSI, ju lutemi,klikoni këtu.
  • Për tekstin e fjalës të Menaxheres të Zyrës së Bankës Botërore në Tiranë, zonjës Tahseen SAYED, ju lutemi, klikoni këtu.
  • Për prezantimin e përfaqësuesit të Departamentit të Rregullimit dhe Licencimit, Autoriteti i Mbikëqyrjes Financiare të Rumanisë, Z. Dan PESCARU, ju lutemi, klikoni këtu.
  • Për tekstin e fjalës së Zëvendësministres së Financave, Zj. Irena BEQIRAJ, ju lutemi, klikoni këtu.
  • Për tekstin e fjalës moderuese të Drejtorit të Përgjithshëm, INSTAT, Z. Gjergj FILIPI, ju lutemi,klikoni këtu.
  • Për prezantimin e Ekspertit të Sektorit Financiar, Banka Botërore, Z. Leendert VAN DRIEL, ju lutemi, klikoni këtu.
  • Për diskutimin e Drejtores së Statistikave Ekonomike, INSTAT Zj. Elsa DHULI, ju lutemi, klikoni këtu.
  • Për tekstin e fjalës moderuese të Drejtorit të Përgjithshëm Ekzekutiv, Banka Intesa SanPaolo, Shqipëri Z. Silvio PEDRAZZI, ju lutemi, klikoni këtu.
  • Për prezantimin e përfaqësueses së Vodafone Shqipëri,  Zj. Gentiana JOSIFI, ju lutemi, klikoni këtu.
  • Për prezantimin e përfaqësueses së Tirana International Airport, Zj. Sonila RADA, ju lutemi,klikoni këtu.
  • Për prezantimin e Zëvendësdrejtorit të Institutit të Sigurimeve Shoqërore, Z. Astrit HADO, ju lutemi, klikoni këtu.
  • Për prezantimin e Drejtorit Ekzekutiv, SIGAL LIFE, SIGAL LIFE, UNIQA Group Austria - Shoqëria Administruese e Fondit të Pensioneve Private, Z. Naim HASA, ju lutemi, klikoni këtu.
  • Për prezantimin e Drejtores Ekzekutive, SiCRED - Shoqëria Administruese e Fondit të Pensioneve Private, Zj.Estela KOÇI, ju lutemi, klikoni këtu.
  • Për tekstin e fjalës mbyllëse të Drejtores së Përgjithshme Ekzekutive të AMF-së, zonjës Enkeleda SHEHI, ju lutemi, klikoni këtu.